由荷蘭藝術家Florentijn Hofman創作的巨型Rubber Duck，昨天已經「游」到維港了！這隻吹氣鴨的確冧暈少男少女阿爸阿媽，這正正是鴨爸Hofman的目的──透過Rubber Duck發放快樂訊息。不過心靈吃飽後，也不要忘記為肚皮着想，一於賞鴨、嚐鴨吧！
記者：吳蔡邦
攝影：潘志恆、伍慶泉、楊錦文
模特兒：Jasmine@Unique Model
3D鴨游上餐枱
Rubber Duck大駕光臨，一眾甜品及餅店亦不敢怠慢，齊齊推出可愛趣致的3D黃鴨甜品，食得又睇得！網上蛋糕店Petit Cake Home一口氣推出了多款鴨仔甜品，當中最可愛非像真度甚高、重達三磅的鴨仔蛋糕莫屬。這隻鴨外層唧滿黃色忌廉，內裏則為海綿蛋糕，「只有海綿蛋糕先可撐得起外層嘅忌廉，而忌廉一掂就變形，拎時要好小心！」店主Jo說。為了這隻鴨，Jo唧了一個通宵，還邊唧忌廉邊望着鴨仔相片，完全是心機之作。除擅長3D蛋糕外，Jo亦炮製了鴨仔Cupcake，蛋糕面用糖膏模仿小鴨暢泳的情況，細看下「海面」還濺起水花，如此精緻，你又點捨得放入口。
至於諗頭多多的black n white創辦人Chef Koo，亦特別設計了名為「紅莓泡泡浴」的甜品。「我將鴨仔回歸沖涼鴨嘅身份，所以你會覺得成道甜品好有喺浴缸沖涼嘅感覺。」Chef Koo還透露，鴨仔模具由法國訂購，而眼及嘴須在模內點好，加上要把鴨仔的左右身用人手「合體」，步驟多多，一小時內只可完成十二隻！至於紅莓泡泡則以分子料理的方法製成，入口酸甜輕盈，配上由意大利芝士、紅莓果茸啫喱和意大利手指餅組成的Tiramisu，層次分明。
嘆鴨包賞鴨景
近「鴨」樓台的海港城，場內不少食肆亦提供了多款鴨仔為主題的食物。馬哥孛羅咖啡廳便於中午及夜晚Buffet時段，限時供應多款Rubber Duck主題甜品，除立體的橡皮鴨綠茶芒果慕絲餅外、還有可愛的Rubber Duck牛油曲奇，大廚將一群鴨仔放在「海面」，夠晒過癮！另外，BO-LO’GNE Cafe and Bar亦推出「黃色鴨仔意粉餐」，重點是圓碌碌的鴨頭包，內裏是吉士餡，食完一個會想再吃。而以Macaron聞名的Paul Lafayet就推出了熱情果口味的鴨仔Macaron，在黃色Macaron上畫有扁嘴鴨的樣貌，望落都有幾分相似。
a. Strawberry Forever Grand Dessert （2110 1248）
b. BO-LO’GNE Cafe & Bar （2730 4400）
c. Paul Lafayet （9148 2624）
d. black n white （2789 1330）
e. 帝苑餅店 （2733 2045）
＊須三日前預訂，三磅起計
f. Petit Cake Home
查詢： http://www.facebook.com/pages/Petit-
Home-Cake/422861454399823
＊須兩星期前預訂
g. 馬哥孛羅咖啡廳 （2113 3912）
＊ 自助午餐$268起（成人）、$198起（長者）、$178起（小童）；自助晚餐$478起（成人）、$378起（長者）、$268起（小童）