雖然朗尼同曼聯仲有兩年先約滿，但聽講球會就想同佢喺今夏傾新約。不過，朗尼會先同領隊費格遜會面，搞清楚自己喺紅魔嘅位置。事關曼聯有尹佩斯都覺得未夠，仲想簽埋多蒙特嘅羅拔利雲度夫斯基或馬德里體育會嘅法卡奧；朗尼假假地都係英格蘭國家隊首席前鋒，如果喺曼聯要做板凳球員，仲簽乜鬼新約呀！