苟芸慧自介入郭富城與熊黛林的七年情後，工作不斷密密接job，前晚苟姑娘現身銅鑼灣時裝活動，她更是自城城分手後，首度參加城城死黨沈嘉偉旗下I.T的時裝品牌活動，可算是融入了城城的生活圈子。問苟姑娘此工作是否由城城引薦？她笑說：「唔知，公司安排，我自己唔識沈嘉偉，亦未見過。」
「多謝小美」
有消息指小美不斷介紹城城身邊好友及母親給苟姑娘認識，她否認有此事：「唔識城城媽咪，工作上有同小美、城城接觸，未見過佢媽咪，佢嘅朋友都係經過伍姑娘（伍詠薇）嘅派對認識，之後先知佢哋係城城朋友，嗰日城城都不在場，Chilam（張智霖）就係工作上識。」苟姑娘深得小美歡心，小美更曾安排她在城城演唱會坐絕佳位置，她亦採取「奶奶」政策，大讚小美：「嗰次係畀飛樂小姐（樂易玲），本來陳豪都去，不過佢要拍劇。同佢（小美）喺拍廣告同演唱會見過，佢對每個人都fair同nice，自己唔識表達自己，好欣賞佢填歌詞嘅才華。」
提到小美幫了苟姑娘不少，她謙稱：「佢主要係保護城城，保護旗下藝人係正常，合作過好nice，冇特別偏向邊個，呢個活動係好開始。」記者問她是否要多謝小美，她說：「多謝小美，多謝大家。」對於有份演出的無綫劇《金枝慾孽貳》收視差，苟姑娘說：「套劇拍攝手法好藝術，用咗風沙雨，需要時間慢慢欣賞。」
採訪：林嘉慈
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/