五月一日起香港最低工資時薪由28元加至30元。我訪問了一位快餐店女工。她五十多歲。
「人工加了，開心嗎？」
「每日多了一點點，講不上好開心，不過有得加好過冇。」
「你們工時會減少少嗎？」
「怎會？我還是返早九點放晚十點半──」
「那是每天十三個半小時了！」
「午飯有30分鐘，晚飯就只得15分鐘。求其啦，雞翼、雞髀，或者兩餸一飯。不准吃牛扒豬扒，貴。咖喱牛腩和燒味也不行，總之賣不去的我們吃。」
「中間可有小休或者飲杯水？」
「當然沒有，坐下也不准。」
「工時太長了。」
「有人還嫌不夠，可以做足16個鐘也肯做──搵食艱難呀。洗碗的人工高些，肯搏也搵到食嘅。」
「你會轉洗碗嗎？」
「不會啦。我現在行吓走吓執吓枱又過一日了，腳累但不痛，搽些活絡油就得。做13個鐘不算辛苦，冇工開最辛苦，13個字都不知怎過。仔女不養我，唔緊要，自己養自己，我捱到，好中意返工。我驚公司因為加人工要炒人，先炒老嗰D……」