澳門今年9月15日舉行新一屆立法會選舉。有意參選者開始熱身爭取選票。被視為福建幫嘅現任直選立法會議員陳明金，雖然係酒店老闆，但都唔放過五一勞動節弱勢勞工團體上街嘅機會，以老闆身份，走落自己起家嘅祐漢街市公園，逐一搵同聲同氣嘅鄉里握手打招呼，唔怕俾人話抽水。
工人自救會理事長張榮發話，五一勞動節前後，有人捐出抗通脹每人10斤慈善米，慶祝三周年會慶。至於邊位善長咁好心，會唔會參選立法會？佢就唔願意講咁多。
澳門青年動力噚日搞遊行，其中一個口號，就係「九月十五，拒絕黑金」。現任立法會議員吳國昌、區錦新、陳偉智爭取連任外，仲希望將新丁周庭希送入議會，抗衡議會內黑金勢力。