越來越多以換季、換款換得快聞名嘅時裝連鎖店來港開業，特別係喺OL特多嘅中環，實行另類佔領中環，思捷（330）想轉型，唔知夠唔夠新品牌攻港快呢？
中環除咗有Zara、H&M、GAP外，舊年多一間以腹肌型男做宣傳、搞到一班OL瘋狂失控嘅A&F，最近又有兩間全球知名嘅新店開張，美國著名內衣店Victoria's Secret近日正式進軍本港市場，喺國金有店開張，另一間喺沙田。
好多藝人、模特兒鍾意幫襯嘅英國時裝連鎖店TOPSHOP，喺中環H&M斜對面嘅專門店，裝修工程亦進行得如火如荼，計劃趕喺本月開業。呢間TOPSHOP係同九倉（004）主席吳光正私人持有嘅連卡佛合作開嘅。