謝婷婷與有翻版徐子淇之稱的模特兒鍾浠文，前晚現身中環房車活動，婷婷透露剛與父親謝賢及兄長霆鋒於澳洲悉尼探望祖母回港，她透露男友安志杰（Andy）身在美國，所以未有同行：「一家三口去澳洲好難得，媽咪唔得閒，諗住遲啲同佢去泰國，嫲嫲上年見過Andy，不過佢𠵱家唔係好講到嘢。」記者問到她消瘦不少，惹來情傷傳聞，她笑言：「唔會，因為要拍廣告要瘦，拍完會肥番。」張栢芝近日返國內參加跳水節目，問到婷婷有否留意節目發生意外，她表示：「叫栢芝小心啲，跳水一定要有訓練，細個喺加拿大同阿哥唔識死玩過十米跳水，跳完個頭都『裂』咗，暈咗一陣。」婷婷透露小時候曾學體操，都有意參加跳水節目：「難度唔高都想試吓，阿哥就唔好。」
採訪：譚倩宜
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/