今季英超仲未完，但曼城已開始為下季準備，聽講仲搞掂第一個重要收購，就係以2,300萬鎊從薩克達買入巴西中場費蘭甸奴。費蘭甸奴喺今屆歐聯表現好搶鏡，仲一手搞死衞冕嘅車路士，令對方唔能夠出線16強。除咗費蘭甸奴之外，據報曼城亦睇中效力墨西哥托盧卡嘅27歲阿根廷後衞諾華維迪，而且仲係唔使錢㖭。