上年收視唔錯嘅無綫劇《飛虎》，下月中會開拍續集，馬德鐘等成班飛虎都冧莊，黃智雯、苟芸慧亦有得留低，不過女主角宣萱因為同無綫關係麻麻而推咗唔拍，𠵱家由鍾嘉欣做女主角。嘉欣BB噚日喺電話度話今次佢喺劇中做CID卧底，個性都幾狠幾狼死，好多內心戲，對佢嚟講係大挑戰。為咗個劇，嘉欣已經努力運動練體能，順便幫8月底嘅九展騷操埋。
想睇更多首輪猛片介紹同預告片?《一台戲》為你網羅最新電影介紹及影評↓↓↓↓ http://hk.movies.nextmedia.com/