熱火上季成為總冠軍，佢哋嘅管理模式就成為各隊模仿對象，包括請咗前紐約人教練萊利做總裁。成立以嚟同總冠軍都有好大距離嘅速龍，就傳出想搵前公牛同湖人嘅冠軍級教練積遜，擔任球會總裁。速龍同積遜好似大纜都扯唔埋，但其實擁有速龍、美職聯多倫多FC嘅楓葉體育娛樂集團CEO利韋基，同積遜好老友，希望用友情打動積遜出山。