劉嘉玲、吳千語及Amanda S.昨晚在中環出席珠寶活動，戴上逾百萬珠寶的嘉玲艷壓全場，她透露老公梁朝偉送過不少首飾，更有親手造的飾物，她說：「佢有心思過我，佢有時都幾悶，不過浪漫起上嚟又會令我感動好耐。」問到嘉玲近年是否較少拍電影？她說自己是默默去做：「今年康城會上《過界》，我到時會過去，另外《狄仁傑前傳》都會今年上。」
嘉玲指偉仔拍《一代宗師》拍得太耐，今年會休息不接電影，問她怕不怕偉仔會悶？嘉玲說：「好多年，唔會怕悶，畀佢做鍾意做嘅嘢就得。」偉仔喜歡做乜？她笑言：「拍戲或者留喺屋企，即係你哋講嘅宅男，不過電腦唔叻，仲學緊。好彩佢鍾意去行supermarket，戴晒帽以為人哋認唔出。」
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/