周日挪超，洛辛堡前鋒歷奇尼路臣示範咩叫嬲到爆衫！當時洛辛堡主場落後緊畀辛尼斯0:1，佢哋斬個波入禁區，辛尼斯門將麥達摩特跳高接實個波，但佢落地嗰陣跌番個波出嚟，畀歷奇尼路臣搶到。麥達摩特心急拉跌尼路臣，但球證冇畀到12碼，搞到尼路臣嬲到震，仲一嘢撕爛自己件波衫。球證見佢咁躁，畀張黃牌尼路臣，搞到佢兩黃一紅被逐。最終喺爭議聲當中，洛辛堡以0:1輸波。