同場有由BB升呢做吳七愛的吳千語，人氣有增無減，昨晚就一連出席兩個活動，她直言工作量增多是因為男友林峯帶挈：「少少啦，不過私人嘢同工作想分開，佢之前都講咗，有共識工作時唔好講咁多。」而日前被拍得與緋聞男友中田英壽飯敍的Amanda S.，直言老公看見報道感不快：「婚後變得更大男人，但係佢都見過中田幾次。」Amanda又表示跟中田八、九年前認識的時候，已經與老公拍拖，因此不會考慮發展，至於中田是否有女友？Amanda表示：「It's none of my business。」
之後吳千語沒有換衫便匆匆趕到中環出席伏特加酒的活動，吳千語自言少蒲夜場，與林峯見面亦是食飯居多，但男友會允許她到酒吧，對於林峯被指錄完影即跑住與她會合，她指大家各有各忙，當日大家只是食飯，她說：「朋友生日會飲梳打，喺屋企亦會飲啲紅酒，我就未見過佢（林峯）飲醉。」同場的何超盈姍姍來遲，但她未有接受傳媒訪問。
採訪：王崇穎
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/