將會喺季後退休嘅利物浦後衞加歷查，原來已經定咗掛靴後嘅新路向，簽咗做《天空體育》嘅足球評述員，同佢一齊主持節目嘅，仲有都係紅軍人嘅列納同埋桑拿士，以及紅軍死敵曼聯嘅前球員加利尼維利。紅軍人多勢眾，唔怪得加利仔喺個人twitter中話：「下季將會係曼聯vs利物浦，但敵眾我寡，一定要搵個好中立嘅球證先得！」