【本報訊】碼頭工人明哥獲發第一次罷工生活津貼，妻子黃太已決心撐到底，「我同佢講我哋呢個月仲有糧出，未係好差，就將一半捐返出去」。那是一個月前的事，丈夫失業，她挑起重擔，「當你聽到個仔話每日都會計住早餐錢，甚至唔食，搭車點樣慳得一蚊，作為太太更要支持」。今天她上街撐工人爭勞權，是這些年來的首次，「既然要撐，就撐到底！」
父親早年做船上抓結員，因工作危險而轉行；黃太沒想到許多年後，自己也下嫁碼頭工人。明哥任職橋邊理貨員，「佢話冇咁危險」，但沒料到工時長，連踩72小時工作，「我火都嚟埋，打電話鬧佢，扔爛埋個電話」。兒子今年12歲，她懷胎七月時，第一次勸丈夫轉行，「你有乜事，我同個仔咁點？」
結婚14年，憋了一肚子氣。黃太說，每年生日和結婚周年紀念，丈夫總不能相伴，前者遇上外判商「太子爺」生日，後者適逢佛誕，親信員工都要陪太子賀壽、賀誕，其他工人不得請假。對上一次全家旅行已是兩、三年前，她直接打電話給外判商管工，「你係咪想我家變？」丈夫才獲放行。
明哥早前給妻兒寫了封家書，20年工作，四字作結：「愧對家人」。丈夫在旁，黃太笑說：「其實我好鬼憎你」；背後才是真情：「我當然愛佢。」上月初她首次夜宿碼頭，輾轉難眠，心怯得很，「好驚架車喺身邊鏟過」，半夜驚醒，才想起丈夫每次回家總是倒頭大睡，她理解，但難接受，「原來我老公份工咁辛苦」。
她記得，那夜走出帳篷踱步，抬頭望向碼頭的夜空，燈光映照，「個天係橙色，但你會見到，貨櫃與貨櫃之間係好黑暗，繁華係假，夾硬搵燈光撐出嚟！」她想起父親上一代的碼頭工人；憶起患癌或意外逝世的工友，「佢哋流過血、流過汗，但你諗唔到一間公司會咁樣對人，你望入碼頭，再望返出面啲工人，呢班人手停口停為乜？」
黃太感同身受，因曾經也受剝削。她誕下兒子後，遭僱主無理解僱，要對簿公堂討回公道。後來轉職另一公司，因要照顧兒子未能加班，也被辭退。早前她任職的美資公司，突然更改合約取消銀行假，每年只得12日勞工假期，員工沒權發聲。丈夫參與罷工，她第一個支持，「我老公從未試過咁堅持」。
明哥上月21日到李嘉誠大宅外示威，兒子生日也專程撐場；五日後輪到明哥生日，3,000人逼爆長江中心替他慶祝。兩父子同在罷工中慶生，今天5.1勞動節，黃太決定首次上街，「一家人要共同進退，好似工人咁講，缺一不可」。她坦言香港回歸後已經變質，「市民要用自己對腳去話畀政府聽，我哋好不滿」。
