猶記得喺去年11月阿仙奴對曼聯時，兵工廠嘅左閘安德里山度士喺半場問過檔紅魔嘅舊隊友尹佩斯攞球衣，結果被狂插。喺周日阿仙奴打和曼聯1:1嘅聯賽，原來兵工廠嘅攻擊球員禾確特都有同尹佩斯交換球衣，但佢就醒得多，識得靜雞雞咁喺賽後於球員通道中交換，所以就算禾仔喺賽後着住尹佩斯嘅波衫接受訪問，都冇俾人話。