無綫重頭劇《金枝慾孽貳》首播第一周收視欠理想，與被鬧爆的《神探高倫布》同得平均23點（148萬觀眾）收視，齊齊輸給處境劇《愛．回家》，而前日《金》劇的收視繼續23點，反而《神》劇升了2點。不過收視未有打擊演員信心，且更齊心谷宣傳，昨日伍詠薇、陳豪、黃德斌及簡慕華等到將軍澳拍新宣傳片。
對於收視一般，伍姑娘說：「滿意，個劇支線多，平均收視算合理，陳豪入宮後就多事發生。」對於劇情被投訴沉悶，她笑說：「多人投訴即係多人睇，大家畀多一個星期，有信心會追落去，啲對白係要嗒嘅！」陳豪也附和：「冇錯，係有興趣至有問題！」另有觀眾投訴劇情攻心計影響青少年心智發展，伍姑娘笑說：「使鬼我地教咩？佢哋仲勁過我哋啦！」陳豪則認為確需要家長指引，而德斌則反問：「啲戲係要家長指引，咁負面去諗冇計，要靠大人解讀畀小朋友知，唔通警匪片唔教壞人？只係呢部咁特別？」
提四連仆 鴉雀無聲
問到蔡少芬（Ada）被指拍戚其義劇四連仆，可會拉埋她宣傳？起初大家都不敢發言，及後伍姑娘才笑說：「唔關事，唔好攞嚟講，再咁鬧佢，佢就飛出嚟抦你哋。佢4號（本周六）會做宣傳，你哋幫佢製造話題啫。」而Ada昨日在微博留言：「雖然金枝貳現在收視未如理想，但我仍充滿信心！」另昨日是德斌50歲生日，工作完畢便跟女友食飯慶祝。
採訪：卓寶花
攝影：陳俊強
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/