王敏德前晚在尖沙嘴出席Anna Sui活動，對於揀首飾給女士，他自言有廿多年經驗，就讀時裝設計的大女兒王曼喜更諗頭多多，不時向他介紹不同品牌，王敏德說：「我𠵱家做緊男裝accessories，嚟緊10月會出埋女裝。」問王敏德可會叫女兒幫手？他指女兒如有興趣，幾年後會把生意交給女兒，即將推出的女裝可會交予太太馬詩慧（Janet）打理？王敏德說：「我有自己嘅designer，主力喺內地市場。」
另外，王敏德與太太及兩位女兒日前去迪士尼試玩，王敏德爆Janet坐過山車幾乎嚇到喊：「個女最鍾意去迪士尼，我哋有成3、4年冇成家一齊去，我仲逼老婆坐過山車，佢嗌得好大聲，好搞笑。」
採訪、攝影：譚倩宜
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/