「凱撒大帝」碧根鮑華日前話巴塞為咗反勝，會無所不用其極，叫拜仁小心啲；呢番言論喺西班牙引起好大迴響。碧根鮑華即刻出嚟解畫，指記者誤解咗佢嘅說話，「如果有人誤解咗，我表示抱歉。我意思係巴塞會盡全力爭入決賽，從冇講過佢哋會不擇手段。」佢仲狂笠巴塞高帽補鑊，「真心覺得巴塞係全世界最大同最誠實嘅球會。」