一，如果不捐款給四川政府，劉霞還要被幽禁多三年。
二，地震震不散囚禁譚作人的雅安監獄，香港唔捐錢，四川勢必成為N個譚作人的監獄。
三，中聯辦在地震第六日，已經受捐港幣一億五，特區政府，不能被中聯辦騎劫，就算廢武功，也只能枱底交易，簡稱廢交。
四，洗街騷一波又一波，光是買掃把頭使唔到一億吧。不，兩年後睇審計報告，分分鐘嚇市民一跳，原來高官洗街，垃圾都有價！一億，隨時洗凸了都唔知！這樣，不如盲捐冇咁眼冤。
五，自由黨捐一萬罐奶粉給中聯辦賑災！搶晒高局長風頭。政府再拖延捐款，四川政府會以為自由黨好過共產黨，田北俊掂過梁振英。
六，每區放水，都拿到一億做地標，四川政府拿了香港政府一億，斷估不會在蘆山災區起座深井甩髻鵝鳴謝！
七，香港勝在有ICAC，四川晒出黑材料的話，專員捐個肺都唔掂！