地產霸權當道，做小販可能係小商戶唯一出路。八方早幾日路過旺角行人專用區，發現有部份喺度擺檔嘅小販，都upgrade咗自己，出動到私家車幫手散貨，賣嘅係年輕人潮服同埋特色手機殼，真係做小販都做得零舍中產。呢位「潮人小販」放棄咗街邊小販慣用嘅木頭車，改揸七人車停泊街邊，打開車門、掛好靚衫就可以做生意，部車仲要停正喺GIORDANO對面，好有「挑機」意味喎。七人車上有軟尺供客人度身，有男裝、有女裝，百幾蚊就有交易，吸引咗唔少潮人圍埋去幫襯。話時話，有咗呢部「無敵小販車」，真係走鬼都快人一步。