「紅底」陳冠康（圖）低票落選港大教務委員會選舉。話說前幾日，港大要求學生，投票選出新一屆教務委員會（Senate）同校務委員會（Council）嘅學生代表。
噚日就有結果嘞！共有1,015個學生投票，喺四個教務委員會候選人中揀兩個，陳冠康推銷嘅「蛇齋餅糭」政綱吸引咗75票咁大把，成功落選；而學生會副會長黃綺文同《學苑》成員李啟迪分別以526及298票順利當選。
此外，校務委員會學生代表選舉有1,060人投票，同陳冠康「同莊」嘅前學生會財務秘書朱迪文攞到464票，而現任學生會會長鄧日朗以526票當選。雖然陳冠康入主港大管理層失敗，不過佢好友譚振聲仲挾持住學生會個戶口，呢單嘢，睇怕仲有排搞。