隔牆有耳：
范國威搞抽水鴨仔團 - 李八方

呢期香港最hit乜嘢動物？仲話狼同豬？好Out喎，梗係Rubber Duck橡皮鴨啦，連民間特首劉德華都為鴨狂，可見隻Duck真係好得。新民主同盟范國威趕上追鴨熱，佢同鍾錦麟嘅議員辦事處聯同將軍澳居民權益會，5月26號搞咗個名為「睇巨鴨食片皮鴨」嘅親子鴨仔團，當日除咗去睇鴨，晏晝仲會去食片皮鴨。

隨團出發嘅范國威仲話全程會戴住鴨舌帽應景；就連抽獎嘅禮物，亦係鴨舌一包，認真識搞gag。將軍澳居民權益會會員可用意頭價128蚊玩足全日，非會員價就係132蚊，兩歲以下一律70蚊。有興趣可致電8109 9986查詢。