恒大地產（3333）老闆許家印向來疏爽，睇佢搞足球、排球隊，年年燒錢，可以話係提升品牌形象就知。許老闆對左右手亦唔手軟，恒大行政總裁夏海鈞舊年年薪大增近八成，至7,087萬（人仔．下同），小股東舊年卻冇股息收，唔知會唔會喺6月舉行嘅股東會，大興問罪之師呢？恒大最新年報顯示，夏海鈞舊年薪金部份出現大躍進，升近兩倍，袋5,442萬，計埋袍金、購股權等，就超過7,000萬，約8,900萬港銀。之但係，恒大舊年盤數好一般，核心盈利跌近三成，仲搞到上市以來首次唔派息，股東心裏面會點諗。