見過鬼怕黑，四川地震，港人恐防善款落入「助養貪官基金」，寧願唔捐錢，更衍生「donatimo（捐條毛）」此反智潮語。但與強國相比，香港的「反智」程度認真小兒科。
強國唔少公司慷慨捐款，講反應快一定係IT界。地震於20日朝早發生，騰訊（700）、百度、阿里巴巴當日即舉行「捐款比賽」。自中午起，相繼話要捐500萬元（人民幣．下同），每間公佈時間相距一粒鐘。加多寶同王老吉呢對死對頭，振災battle就更明顯。加多寶上周五一話要捐1億，幾個鐘後王老吉就話要喺四川投資3億。
保險公司仲威，於震央醫院附近拉晒banner設街站。怕地震可即時買plan保障，畀個災民優惠您又點話？擺明發災難財。
災難當前，企業爭相利用以人命抵押嘅宣傳良機；更甚係連縣政府都借天災食大茶飯，到底良心何在？雅安三個重災縣，早前公佈經濟損失逾千億，但成個雅安市上年GDP都只係398億元。
Fifi
本欄逢周二、四刊出