李嘉欣昨日以愛彼女皇盃大使身份，在沙田馬場任賽事頒獎嘉賓，卻因工作而趕不及投注老爺許世勳的馬匹，嘉欣老公許晉亨也有到場，其子Jayden Max則留在家午睡。穿上性感開胸喱士裙的李嘉欣，坦言事前沒問老公意見。問嘉欣是否抗拒穿情侶裝？她說：「唔會夾，以前拍拖會着近似顏色，可能心有靈犀。」會穿家庭裝嗎？她表現抗拒，連說三次no，她說：「有次喺屋企，我着格仔家居服，囝囝件白衫領有格仔，我着係cute，如果老公都係咁會嚇親人。」相反無論她穿甚麼，老公都沒反應，反而囝囝見到她穿長裙會有反應，嘉欣說：「會捐入嚟係咁fing，見到化妝就會叫媽咪，知我出街，但佢唔會成日扭出街。」
辛苦過拍戲
嘉欣指囝囝愛玩化妝品，但覺得頑皮是好事，不會阻止，她說：「同佢講有啲係限量，買唔番，佢玩嗰時手指會篤入去，腳趾都篤埋入去，我唔知用唔用好。」會否罰打手掌？她說：「有，要畀佢知打人係痛。」心痛嗎？她說：「有，但要交戲，佢知乜嘢係食到我，老公有時惡，囝囝一定驚，唔會大聲喝佢，除非有危險。」她謂囝囝前日跌倒得很嚴重，嚇得她心臟病發，但囝囝起身後狂笑及周圍走，嘉欣說：「以前通宵拍戲辛苦，𠵱家搵到樣仲辛苦，唔明啲人點解生咁多個。」
同場有汪圓圓與未來奶奶蔡李惠莉，問蔡太想兒子蔡加讚生B嗎？她說：「順其自然，佢哋話事。」生B會否有獎勵？蔡太謂不用，圓圓說：「Auntie冇畀壓力。」
採訪：譚倩宜
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/