民主黨主席劉慧卿，早前開始使用高科技產品─WhatsApp。八方上周一見到卿姐時，即時問佢對WhatsApp嘅用後感；剛於2月先投WhatsApp懷抱嘅卿姐大讚「好好用」，吹水過程期間，卿姐個WhatsApp仲響個不停，證明佢真係好投入。
卿姐話，WhatsApp其實係相當好嘅諮詢工具，好似呢次立法會應唔應該盲捐1億元去四川賑災呢？訊息一出，民主黨個group chat即時就響唔停，大部份人都話，收到好多市民叫民主黨千祈唔好支持捐款，否則只會肥了內地貪官，災民未能得益，所以個黨好快決定反對撥款。