期指結算前夕，大戶又來一次托沽，炒開二三線的戰友都呻跑輸個市，冇陰公！魏力繼續以藥股、高息工業股、智能手機股及小注莊家股迎戰，風險已相當分散，但拉勻上周都係要輸，可見打防守比進攻難得多。
打穩陣波，今日繼續搵高息工業股，信佳國際（912）3月年結，一般6月派成績表，一於靜靜雞收集，隨時財息兼收。信佳產銷高級電子產品，包括音響器材、電子教具和寵物培訓器等，幾乎都是獨市經營，冇乜競爭對手，故定價能力強，加上最近將生產基地由深圳轉至勞工成本較低的東莞，有助降低成本，提升毛利率。
公司去年底以1.7億銀出售深圳廠房，扣除東莞建廠開支，淨袋約8,000萬元，可望今年入賬兼派特別息。以今年賺1億元計，預測PE低至6倍，不計潛在特別息都有7厘，筍到爆！走勢上，信佳上日突破三年下降軌，成交亦穩步向上，中線目標3蚊，PE仍未夠8倍。
魏力
http://www.facebook.com/2012jason
本欄逢周一、二、四、五刊出