膠……吖，唔係，係「家在香港」運動，噚日上演最後一場清潔騷，扮壓軸登場、孖住律政司司長袁國強去西環抹街市外嘅石凳同垃圾回收箱嘅梁振英當然搶鏡；落咗銅鑼灣掃地嘅財爺鬍鬚曾，就似乎唔太入戲嘞！唔知係咪覺得攞住掃把唔係太中產啦，現場所見，有武功底嘅鬍鬚曾都冇發力係咁掃喎，唔似得日前掃爛兩把掃把嘅政制及內地事務局局長譚志源咁「落力演出」。
一直唔入戲嘅佢，鬧拉布時卻好夠中氣，話預算案拉布癱瘓政府，之後仲喺網誌話拉布儼如「七傷拳」，傷人傷己，又形容拉布係三無──訴求無共識、手段無支持、結果冇人贏喎！