翻開雜誌，隨時搵到幾個醫學美容廣告，就知呢家嘢幾咁流行。「上海首富」郭廣昌旗下復星國際（656）噚日就公佈，投資18.7億元（2.4億美金）入股一間以色列醫學美容公司，呢間公司靠一部無痛微波拉皮機起家，睇嚟郭總終於知道，貪靚嘅人嘅錢最易賺。
復星透過復星醫藥（2196）同復星保德信基金，一齊入股一間叫Alma Lasers嘅以色列公司，買咗95.6%股權。
睇資料，呢間公司專門搞光學美容儀器，除咗無痛微波拉皮之外，彩光美容、皮膚護理樣樣齊，甚至連消除紋身都有，唔止女士，男士都可以幫襯。內地明星出名愛靚，呢個投資喺內地都應該大有市場。