羅霖、張苡澂和黃夏蕙前晚在佐敦出席「2013國際太太總決賽頒獎禮」，擔任榮譽國際太太的羅霖，被問離婚後身份會否尷尬？她說：「活動係幫小朋友同低收入家庭，自己都曾經係人太太同媽咪。」她表示與劉坤銘已簽暫時離婚書，三名子女的贍養費仍未傾妥，最快要數日後才知道。
問孩子兩邊住會否不習慣，羅霖說：「細仔鍾意冇王管，其餘兩個仔都有啲唔習慣，我要求較嚴，要定時上床瞓覺，阿爸就任佢哋，呢個問題一直係咁，我都冇辦法。」張苡澂就自稱獲邀做明年世界盃代言人：「老公同巴西有來往，話搵我做代言人，唱一首改編中文歌，混合巴西音樂嚟推廣世界盃。」
採訪、攝影：魯萍
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/