【本報訊】近年大批外國品牌湧港，香港牌子似乎只有捱打，靚位被搶走、生意被攤薄。前年收購了潮服零售商D-mop的永嘉（3322），其執行董事兼首席財務官張智坦言，香港零售商「已再沒有犯錯的空間」。
記者：吳綺慧
張智認為，要轉型發展較貼近大眾的產品，並加快存貨流轉，將每季貨品分成三次入貨，「因為你補貨用嘅錢，永遠唔夠你砸貨（囤積存貨）時輸嘅多」。國際品牌財雄勢大，把本港一線舖租搶至天價水平，「本地薑」敗退至二線位置或樓上舖，生意減少，但成本壓力卻有增無減，就連本地服裝界「一哥」I.T（999），近年都陷入存貨積壓的困境。曾甚為流行的D-mop，前年亦因虧損，被廠商出身的永嘉入主收購。
「零售商冇犯錯空間」
張智指租金急漲，零售商再沒有犯錯的空間：「以前租金只佔你收入10%、15%，𠵱家就講緊係30%至40%。只要市況一轉，要減價清貨，就即刻可以蝕入肉。所以唯有做大規模，一定要強調每間分店的效率。」
接手D-mop一年多以來，即加快供應鏈流程，改革存貨制度。「好似買手去巴黎睇show，覺得靚就一口氣買廿個款返嚟，可能有三個款好中，大賣，但剩番個17個款點算？」張智指零售商已承擔不起「砸貨」後果。
一季分三次入貨
他說：「我哋唔可能做到好似Zara、H&M出貨咁快，但都要盡量轉型……由以往一次過訂齊，改為一季分三次入貨，情願唔夠時再補，存貨水平由以往至少六個月，減到現時三個月。」D-mop亦把品牌重新定位，不再集中走高檔、小眾時裝：「如果啲衫太蝦人，根本做唔到規模。」
D-mop現時在中、港、台三地共有約60間分店，張智指因情況不穩，今年只會在內地開10間Y-3分店，其他地方都不會擴張。「Y-3嘅表現暫時係最好，首季同店銷售仍有雙位數增長，所以短期會着力發展先。」