曾獲馬丁路德金提名諾貝爾和平獎、來自越南嘅一行禪師，5月27號再來港主持講座。一行禪師三年前來港，吸引唔少政商界人士聽佢講禪，包括新地（016）非執董黃奕鑑、新世界發展（017）執董紀文鳳，同埋近日紅爆嘅前廉政專員湯顯明，唔知佢哋會否再捧場呢？
一行禪師今年87歲，係提出正念嘅世界著名禪宗僧人，2010年底喺灣仔會展以「幸福是此時此地」為題主持講座，吸引8,000人到場感受禪宗嘅智慧。華華最記得禪師叫大家活在當下，唔好為將來擔心，令人得到片刻心靈平靜。
一行禪師下月重臨香江，講座改喺場地較大嘅紅磡香港體育館舉行，可以容納一萬人，可惜，門票上周一（22號）開始派發，五粒鐘就派晒，主辦單位只係留起極少量門票畀上次有去嘅嘉賓。