【自行經營】
為Adidas主要服裝生產商的永嘉（3322），06年上市後一直着力拓展運動服零售業務，08京奧時股價一度熱炒。但隨着近年內地體育股泡沫爆破，永嘉零售生意亦大滑落，前年更把Umbro大中華區的獨家分銷權都出售，正式轉型搞時裝。
經此一役，張智覺得內地本土沒有做得好的分銷商，故永嘉如今做時裝，開店到烏魯木齊都不採用特許經營：「內地嘅wholesale model（批發模式）仲會整合一段好長時間。」他又形容多年來不少中國本土牌子，根本不懂經營批發模式。
他說︰「以為賣咗貨出街畀分銷商就算，又唔教佢哋點經營，又唔理生意做成點；到零售商賣唔出貨喇，就掟返畀品牌，仲走埋佬，留低條爛數畀你。」張智相信內地要學習有效運用批發模式，仍需一段很長的時間。