經常聽到人話法國人好識享受生活，何解？「因為法國人慢條斯理？」錯唔晒，其實他們在餐桌上慢食，是希望好好享受進食時的每一刻，也覺得是對食物的尊重。今天讓我們慢下腳步，做一天享受生活的法國人吧！Bon Appétit（祝你胃口大開）！
記者：歐陽曉思
攝影：許有達、蔡家輝、林栢鈞、潘志恆
早：甜包咖啡食完唔𤷪
聽朋友說，每朝不要在法國人未喝咖啡、未吃甜麵包前跟他們說話，真的嗎？「係！若喺我未飲咖啡前同我講嘢，我會𤷪㗎！不過又唔係全部人都係咁，因為有啲人每朝一定要食煙！哈！」Boulangerie Bistronomique的法籍糕餅師Alexandre回答，為甚麼早上要吃甜東西？「我都覺得你哋朝早飲茶食點心好怪，道理一樣！我哋不但鍾意甜，更講究新鮮，所以法國嘅麵包店朝早七點就開門！香港只有麵包店，法國會分Boulangerie（麵包店）跟Patisserie（甜品店），佢哋係兩大不同嘅Profession！」那為甚麼這裏叫Boulangerie但又有甜品賣呢？「喺香港好難只做一種！」這裏跟足法國麵包舖，長法包、布里歐修包、牛角包等傳統法國麵包從早到晚輪流出爐，Alexandre堅持每天烘焙，賣完就無。甜點也非常不錯，十多款全放在餅櫃，有各式各樣法國傳統甜品，首推Eclair，其外層香脆，咬下會爆漿，極美味。
Boulangerie Bistronomique（2872 0811）
地址：西環堅尼地城爹核士街1號地下
午：鹹甜薄餅慢慢鋸
中國人無飯不歡，法國人則無薄餅不歡，無論是鹹的Galette，還是甜的Crêpe，都是他們午餐甚至Tea的選擇，所以在法國，薄餅專門店有如香港的茶餐廳般隨處可見。薄餅的歷史由來已久，源自法國西北部的Brittany，由於當地盛產蕎麥（Buckwheat），當地人便用來製薄餅，圓薄餅上鋪餡料，再摺成不同形狀，法國人認為這樣的賣相，既吸引又能保持餡料溫暖。La Crêperie就是賣正宗的Brittany式薄餅，店內提供超過60多款鹹甜選擇，鹹薄餅La Galette用上100%的蕎麥粉製成，顏色較深帶啡色，薄餅皮很薄身，吃起來乾爽脆口；而甜薄餅Crêpe則用全麥麵粉製成，質感較軟，傳統餡料有焦糖、雪糕、香蕉及朱古力等。「法國人通常會Order一鹹一甜，鹹嘅做主菜，甜嘅做甜品，仲要堅持用刀叉慢慢食，時刻保持優雅。」老闆表示。
La Crêperie（2529 9280）
地址：灣仔皇后大道東100-102號鉅芝樓1樓
晚：小餐館食環境
身邊的法國朋友最愛到La Brasserie享受晚餐，Brasserie即小酒館、小餐館，一般可以吃到典型鄉村料理。環境輕鬆的The Press Room便主打法式小菜，其吧枱附近的大黑板每天均寫上特色菜式、用餐區會展示不同藝術家的作品，讓人想起法國第六、第七區的街頭小館子。食物方面，這兒提供各式各樣簡約的法式美食和地道的咖啡，大廚Wlison推介的法式黑青口也同樣很受歡迎，Wilson用上現時澳洲當造的黑青口，味道會更鮮甜，細嚐還有一種濃濃的酒香，不能錯過的！
The Press Room（2525 3444）
地址：上環荷里活道108號
周日：皇帝要食雞
法國人原來逢周日都要食雞，相傳亨利四世在1589年登基成為法國國王後，法國的經濟開始發展，當時亨利四世許下心願，希望人民每周日都能吃到當時矜貴的雞！到現在還有不少法國人星期日有吃雞的習慣。
上環烤雞店La Rotisserie由三位法籍老闆Marie、Aurelien及Jerome開設，他們專程買入法國製烤爐，重塑法國巴黎街頭滋味，Marie說：「喺香港點都食唔到法國烤雞，吃烤雞加個蘋果批，就是我們嘅Sunday Lunch！」他們選法國Picalou品牌的雞，每隻至少重1.3kg，烤前會把混和了牛油、黑椒等的調味料放入雞皮和雞肉中，將雞放入爐烤足一粒鐘，烤雞隻隻皮香肉脆、盡收香料味道。
La Rotisserie（2324 1898）
地址：上環皇后大道中255號Manhattan Avenue地下