英超史雲斯領隊米高勞特立好鍾意吼住西甲啲人，早前盛傳佢睇中西維爾嘅西班牙國腳前鋒尼格度，打算下季買佢返嚟拍住米捷打前鋒。但勞特立呻話尼格度太貴，史雲斯負擔唔起，「我唔認為呢單交易有可能發生，因為好多球隊都爭住搶尼格度，講緊嘅轉會費係我哋心目中嘅兩倍。我哋冇能力拎1,000到1,400萬鎊（約1.7億港元）出嚟買一位球員。」