生日先嚟撞車，仲要上埋差館惹官非，伯明翰前鋒馬龍京治真係相當黑仔！馬龍京治喺4月26號生日，喺嗰日下晝兩點幾，佢揸住架保時捷，牽涉入一單3車相撞嘅交通意外入面，𠵱家仲有一人喺醫院留醫。當地警方話，事後懷疑馬龍京治危險駕駛，所以叫咗佢返去問話，暫時未有最新進展。馬龍京治上月接受膝部手術，已提早收「咧」。