【富黛愛忽完之純真傳說】郭富城和熊黛林（Lynn）的7年情告終，回復單身天王的城城昨日風騷現身赤柱出席「林寶堅尼香港ｘ領匯ｘ奔牛節」慈善活動，現場展示30架總值逾億的林寶堅尼及彩繪牛，因城城很喜歡自己的設計，故以郭富城國際慈善基金名義，捐50萬投回自己的慈善彩繪戰牛。
城城笑言會將戰牛放在屋企天台的籃球場，得閒騎牛搵馬，記者指他應先搵新女友，城城說：「工作重要啲，過咗去就過咗去，有得就有失，唔會十全十美，有啲嘢要放棄。」問是否放棄愛情？他坦言：「講緣份，暫時同工作拍拖先。」昨日內地報道指城城揚言沒人能夠改變他的生活及50歲結婚，他否認說：「我冇講過，人嘅思想會隨生活改變，我希望𠵱家係單身狀態，想擺多啲時間做自己心願。」
否認遭逼婚
問跟Lynn是否無得挽救？拒絕再愛的城城說：「講最後一次，希望Lynn可以搵到一個更適合、更幸福嘅人，我祝福佢。」城城坦言跟Lynn再見亦是朋友：「Lynn喺我心目中係好朋友，永遠都係。」，對於有指Lynn當年為他悔婚撇范駿，城城替舊愛平反：「我相信Lynn絕對唔係咁嘅人，有啲傳聞係刻意中傷。」問是否為Lynn感心痛？他重複說：「我相信會有更適合Lynn嘅人，照顧佢得到幸福。」
傳聞指Lynn逼婚失敗分手，城城指兩人是因性格不合分開，問他的祝福是否希望Lynn結婚？城城避答說：「唔講咁多。」記者指他不能給Lynn幸福，會否覺得自己做得不夠好？城城想了很久才說：「我唔講嘞！」至於Lynn表示若有日感覺幸福會除「分」戒，城城說：「我衷心祝福。」而Lynn經理人Kim對城城的言論表示：「謝謝，我也祝福他。」
採訪：魯萍
攝影：陳俊強
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/