【特稿】
「佢（兒子家良）知道自己做錯咗，如果唔係都唔會喊。」簡福駒說，他帶過一些家人照片給兒子，「佢話佢自己好多時都會揸住啲相喺度喊，話點解會咁呀？」簡父哽咽道。
「佢唔出聲，喊囉」
簡父在事發後第一次見到家良時很迷惘，問他甚麼都沒反應。後來兒子清醒了，簡父再問發生甚麼事，「佢唔出聲，喊囉」。直至醫生解答了簡父心中的疑問，他就不再問了。
醫生診斷簡家良患有精神分裂，事前毫無徵兆。案發時家良認為世上太多多餘的人，相信要減少一半人口，方能避免污染，拯救地球；而母親和妹妹，則是他最容易落手的對象。
簡父說，指摘的口脗只會令兒子出來的機會更小，所以他跟兒子「盡量唔去講」。不過，簡父說他在信中告訴兒子：「呢份罪疚會永遠埋喺你心中，永遠洗唔到，直至你離開呢個世界。」現時他每星期都到小欖探望兒子，每次逗留半小時，父子倆隔着玻璃，閒聊讀書情況、做人道理。18歲的家良，現讀遙距課程，但對只有中三程度的他來說，有點艱深。
年初天氣寒冷，家良特意畫了心意卡給父親，寫着「冬寒未解，多加小心」。簡父說：「到𠵱家我都唔相信（殺人）呢個係佢本質。」在他眼中，兒子「好乖」。
《蘋果》記者