若你係有車之士，相信出街開飯時，總會貪方便將架車泊喺餐廳前，又總會喺食得興起時，就有白炸經過，你要被迫含住啖飯揸走架車；一個唔留神，仲會荷包出血，食到一肚氣！不如趁周日揸車到郊外走走，呼吸新鮮空氣，喺路途上搵間特色餐廳歇一歇，坐喺露天座位慢慢嘆，幾寫意！
記者：何嘉茵 攝影：伍慶泉、蔡家輝
模特兒：Fanny@Pure Models
人氣茶座必食三寶
距離上水火車站約10分鐘車程，於粉錦公路的高爾夫球場對面，有一條叫蓮塘尾的小村，那處有一間茶座，無論是平日或假日，店外空地總泊滿車，店內則座無虛席，熱鬧非常。究竟這間茶座有何魅力？「以前呢度係元朗同上水必經之路，有好多貨車司機經過都會嚟嘆杯茶休息吓。自從起咗高速公路後，雖然啲車少咗，但附近有唔少農場、士多啤梨園，好多遊客專程揸車嚟幫襯。」老闆Cathy說。1952年已開業的榮昌茶座，由林氏一家主理，最初只是經營茶水雜糧以方便村民，後來把茶店變成茶座，經營至今已有半世紀。
甫進茶座，Cathy便熱情地介紹這裏的招牌菜，「我哋下午茶有三寶，差唔多個個來到都叫，分別係豬扒包、乳鴿及紅豆冰。」驟眼看，每張枱上也有豬扒包的蹤影，有客人更主動向小記豎起拇指大讚，「豬扒很Juicy鬆軟，外面食唔到呢種口感！」一問之下，原來靠的不是鬆肉粉，而是一下一下的搥打鬆肉，並非死腍的口感，絕對講求心機和力氣，豬扒很薄身，加入牛油及煎至七成熟的洋葱，肉汁滿瀉，比在澳門吃到的更美味。另一招牌BB鴿亦是誠意作，先用自家調製的滷水汁烚熟，皮用蜜糖上色，風乾六小時後再炸，咬落特別香脆，配雪糕紅豆冰，簡直是最佳享受。
榮昌茶座（2670 3388）
地址：上水粉錦公路蓮塘尾村1號（近高爾夫球場）
即製酒店級意菜
大美督是駕車人士的熱門地，一條長直路已有逾十間餐廳，泰、中、燒烤菜等任君選擇，但駕車路經這裏，會被一家充滿歐陸田園風情的餐廳吸引，這間意大利菜小店，低調得連門口招牌也沒有，甚至不屑宣傳，只靠口碑及熟客幫襯。老闆兼大廚Ronald入行廿多年，曾於四星級酒店工作，九年前在此開業，主打意大利家庭菜，菜式由他親自主理，他直言不想為錢而影響食物水準。「大部份嘢食都係即叫即煮，一道菜可能要等半個鐘，試過有客人等到唔耐煩，催咗我好多次，但我又唔想求其煮，所以寧願唔做佢生意。」
所謂慢工出細貨，每道菜都經過Ronald精心炮製，就連食物賣相亦一絲不苟，水準可媲美酒店級意菜，像菠菜雲吞，黃色的雲吞小巧精緻，伴着黑松露忌廉汁及自製茄汁，白黃紅的顏色配搭很吸引，雲吞菜味不算濃，黑松露忌廉汁很特別，味道帶酸甜，感覺新鮮。小記最愛的是鮮帶子焗天使麵，賣相像中式的蒜茸粉絲蒸扇貝，餡料卻換了帶子及天使麵，以香草、芝士焗製，天使麵彈牙不乾身，芝士濃郁，好味！
感覺煮意（8103 2320）
地址：大埔大美督村63號地下
十蚊任食即製豆品
來到河上鄉，除了參觀被列為法定古蹟居石侯公祠外，還可來豆品製造工場，以$10任飲任食豆漿及豆腐花。「豆品係每日新鮮製造，所以任食只得熱食揀，差唔多個個都食到四至五碗，最高紀錄係個中年女人，連續食咗八碗豆花加一杯豆漿。」老闆黃生說。此店的豆漿雖為機器製造，但黃生指好處是除了更衞生外，更有效保存營養，味道不輸給人手製造。「我哋除咗用最靚嘅黃豆做，豆漿亦採多重隔渣，磨完隔兩次、煮完再隔一次，所以口感特別滑。」這裏的豆腐花，每日至少撞五次才足夠店內供應，而且除原味外，還有黑芝麻味，豆腐花很香滑，黑芝麻味頗香濃，值得一試。
豆美味豆花團（2639 2132）
地址：上水河上鄉1049地段地下