明天一手住宅新例正式實施，無論新舊樓盤抑或不受同意書限制的舊樓重建項目，全部受新例限制，縱使可以取得批准賣樓都未能夠趕及本周內開售，換句話說明天開始除了兩個上架的項目外，其餘被迫煞停。
發展商唔想首個受靶
新例限制多，仲要擔心誤導會招致坐監七年兼罰錢500萬元，好多發展商唔想成為第一個受靶，最好等第一個勇士出來做模，睇吓政府如何處置，況且個市又唔係好咗好多，一動不如一靜，料第二季地產代理暫時回歸二手市場，等待發展商發落先重新召集搞一手樓盤。
一手住宅物業銷售監管局資訊站同時運作，被批核的樓盤資料可以即時上載網站，成交資料需要在24小時後上載，任何人士若需要知道自己心儀的單位是否仍然存在，Click一吓便一目了然，對傳媒而言明天開始不會像以前般報即日銷情，市場參考數據全歸監管局網站獨家發放，再沒有預留多少或大手買賣的消息了。
對於買家，由於沒有了消息推波助瀾更可以冷靜處理，避免受消息左右入市決定，但並不代表會削弱了買賣氣氛，由於新制下每一個涉及單位也要適應新規則，銷情和處理時間被拖長了，當中問題也會較多，故此類似房協兩次賣樓包括深水埗喜雅和青衣綠悠雅苑報數由內部統一發放較為清晰，現場買家分流和電算機檢視已售出單位的做法可作借鏡。
劉兆昌 資深地產傳媒人
http://www.HKLau.com