愛華頓爆炸頭中場費蘭尼善心爆棚，為咗慶祝「拖肥糖」嘅官方慈善機構成立25周年，就出盡「髮」寶去催谷一下善款數目；呢位比利時國腳表示，如果今次球隊可以籌到25,000鎊（約30萬港元）善款，咁佢就會將成個爆炸頭染成銀色！不過，其實如果周薪有成75,000鎊嘅費蘭尼，肯將佢小部份嘅人工捐出嚟，都已經幫到唔少手啦。