曼城上輪英超作客負熱刺1:3，正式宣佈爭標失敗，但本周六迎戰護級基本已達標、鬥心驟減的韋斯咸，不管要一吐烏氣，抑或力保次席，今仗贏2至3球冇問題，[-1]「主勝」博得過。
曼城周日對熱刺反勝為敗，間接使曼聯提早封王。雖然他們餘下最大目標是英足盃，但目前距離對韋根的決賽仍有兩周，今仗為保次席兼一吐失冠烏氣，料不會放軟手腳。即使中場占士米拿及大衛施華未傷癒，但阿古路傷勢已無大礙，可望與泰維斯齊攻堅，入球有保證。
韋斯咸近5場聯賽不敗，但上場2:0力挫韋根後，現已積42分，距離這支尾3球隊11分，降班可能性不大，今場造訪曼城，鬥心未必強。況且，雙方近3次在此地交手，曼城都能全取3分，今仗延續勝績冇問題。考慮到主W僅得1.18倍冇肉食，不妨取1.62倍的[-1]「主勝」，皆因他們今季主場迎戰紐卡素、富咸及史篤城等中游隊，都可贏多過1球。若有意買波膽，推介曼城贏2:0及3:0。
修頓鬥西布朗和格
同日英超多場中下游對碰，其中修咸頓已積39分護級穩，近期有放緩現象，今周主場鬥西布朗似和波格局，西布朗不敗[+1]「客勝」穩。史篤城主場戰諾域治一役，兩軍上仗全取3分後，護級齊鬆口氣，今仗必踢得保守以免失分給對方，敲入球「細」；愛華頓往往主場踢高一班，今仗對傷兵多兼中場薛維爾停賽的富咸，主W冇難度。文：東尼