港人做善事一向不遺餘力，只係唔希望善款不知去向。舊年9月底舉行嘅「公益金便服日」喺噚日舉行支票遞交儀式，公佈籌得善款超過1,700萬元，同前年相若。滙豐銀行籌得85萬元，同前年差唔多，連續第20年稱冠。
便服日舊年獲得接近1,200間工商機構、政府部門同教育團體，超過39萬人支持，頭十個捐款最多嘅機構中，恒生（011）、九龍倉（004）分別排第二、三，永亨（302）、長實（001）及東亞（023）亦榜上有名。其餘四個嚟自學校捐款，蘇浙小學籌得16萬，排第四位。今次善款總數當中，有61%嚟自學校，涉及570間學校嘅師生。