香川真司周一幫曼聯捧走英超，個個日本人都好驕傲，其中前輩三浦知良日前已經講到明，會喺日本6月踢完洲際國家盃後，同佢搞party慶祝。最近傳媒再問呢位46歲仲踢緊FC橫濱嘅老前輩，到時會唔會送禮物畀香川，佢就話有意送一對喺意大利製造嘅名貴波砵，據聞淨係一隻都價值成3,000歐元；仲話同香川之前喺英國見面時，經常都講吓鞋同埋啲時裝，睇嚟兩位都係潮人。