咬人有惡報，利物浦前鋒蘇亞雷斯被英足總重罰停賽10場，提早收咧之餘，下季頭6場波都唔使預佢，不過到時佢仲係咪紅軍球員都成問題。上季被罰停8場，到今季又出事，據講阿蘇已經徹底崩潰，對英格蘭球壇已經徹底失望，唔排除會要求離隊喎。不過世事真係好諷刺，阿蘇紀律問題多多，但利物浦就仍然有機會藉公平競技入圍下屆歐霸盃。