周三有場巴西對智利嘅友賽，但兩隊都冇召外流歐洲嘅球員。巴西有尼馬、柏圖、李安度達美奧同荷西保連奴壓陣，其中尼馬呢場踢得幾好，射入一球同交出一次助攻，但森巴兵團最後都以2:2踢和智利。尼馬老竇最近又走出嚟話個仔好受歡迎，好多歐洲大會想搵佢過檔，「喺巴西世盃後，尼馬將會去到人生嘅新階段，佢會到歐洲搵食。」據報，巴塞、皇馬同車路士都想要佢。