問起近年成功的日本品牌，身邊朋友只答得出Uniqlo，足夠令創辦人柳井正躋身日本首富。這個亞洲最大時裝品牌的本港旗艦店開幕，Samantha在他們近日的宣傳看到久違的創意，為原本只限於平價優質的形象中加了分，與在創意泥沼中掙扎的日企不一樣。
Uniqlo像H&M和Zara般在各交通工具做鋪天蓋地宣傳屬正常，找來志明與春嬌賣廣告也不奇怪，但免費請搭渡海小輪就真係高章，天星小輪大家搭咗咁多年，都未聽過有人會度到呢條橋。
請市民免費搭一日船花費有限錢，但每人在facebook影張相打卡，達到的宣傳效果都夠回本。
若在小輪上貼上品牌標誌，穿梭維港兩岸，分分鐘好過在大廈燈箱賣廣告。優閒款雖然唔係Samantha杯茶，但入冬時都忍唔住掃咗幾件「HEATTECH」看門口，如果每人買一件都非同小可，Uniqlo母公司Fast Retailing早排公佈中期業績之餘，仲調高今年盈利預測，其他日企真係要學吓嘢！
Samantha
本欄逢周三、五刊出