【本報訊】香港曾辦多次充氣展覽及嘉年華，但巨鴨的難度叫策展經驗豐富的公司也叫苦。將600公斤鴨身浮起的浮床，需船廠特製，而巨鴨現時「皺皺哋」，原來因仍在測試，「試緊充幾多氣先夠，日本試過測試時吹爆咗！」
不擔心港人搞破壞
曾辦多啦A夢展等的AllRightsReserved創作總監SK說，主動接觸霍夫曼並獲批辦橡皮鴨游世界藝術展後，本以為無甚難度，收到巨鴨設計圖才發現難度極高，如鴨底的直徑超過13米的浮床須極堅固才可承托鴨身，「冇一間充氣廠識做」。他想起海港城所屬的九倉熟悉船務，「終於搵到船廠肯做」。「你哋見到隻鴨𠵱家皺皺哋，係測試緊充氣」。SK說需逐步充氣測試巨鴨承受力，太少會「鴨瘦主人羞」，但也不可太多，「日本試過測試時吹爆咗㗎！」
巨鴨會停在海運碼頭旁，附近甚至對岸也可看到，海港城屆時會點出影相靚位。為保安全，它會被停泊在離岸十多米位置，參觀者不能捉摸，而附近海域也不可駕船駛近。SK說鴨身以特厚PVC製：「雖然有人擔心或有人會向隻鴨射氣槍，但相信香港人係有愛心同公德心。」