吳康民日前發炮，不點名指自由黨係港英餘孽，更點名前高官陳方安生係「港英餘孽的第一梯隊」代表人物，指陳太係港英培養準備當特首嘅首選，認為陳太「恃才傲物，沉不住氣，終於自我爆炸，錯失良機」。
政圈中人流傳，吳康民今次狠批陳太，實同一段陳年宿怨有關。話說陳太做官時，係授勳評審委員會主席，負責審核授勳名單，98年有人推薦吳康民攞大紫荊，陳太有異議，搞到土共老左好唔高興，仲驚動當時特首董建華，結果最高層「撥亂反正」，吳康民98年終獲頒大紫荊。雖然如此，但有人似乎仍然好唔順氣。查實咁樣上綱上線，先係文革式批鬥，霍大班見識吓啦！